كۇئېنلۇن قۇمكۆل قۇملۇقى — كۇئېنلۇن قۇمكۆل ئويمانلىقىنىڭ ئوتتۇرا قىسىمىغا جايلاشقان بولۇپ ، دېڭىز يۈزىدىن ئېگىزلىكى 3900 ~ 5000 مېتىر كېلىدۇ . ئۇ جۇڭگودىكى دېڭىز يۈزىدىن ئەڭ ئېگىز قۇملۇق بولۇپ ، دۇنيا بويىچىمۇ دېڭىز يۈزىدىن ئەڭ ئېگىز قۇملۇق ھېسابلىنىدىكەن . ئۇ ئاساسەن قۇمكۆل ئاساسىي گەۋدە قۇملۇقى ، قۇملۇق ساھىل قۇملۇقى ، دىڭزىكۇ قۇملۇقى ، چاتما ساھىل قۇملۇقى ، قۇمكۆل بويى قۇملۇقلىرىدىن ئىبارەت بەش بۆلەك قۇملۇقتىن تەركىب تاپقان بولۇپ ، قۇملۇقنىڭ ئومۇمىي كۆلىمى 3054 كۋادرات كىلومېتىر كېلىدۇ . بۇ قۇملۇقلار يەر يۈزىدىكى يىمىرىلگەن تاغ جىنىسلىرىنىڭ پارچىلىنىپ ئۇۋالغاندىن كېيىن ، شامال ۋە سۇنىڭ ۋاستىسى بىلەن تەكرار يۆتكىلىپ ، دۆۋلىنىشى نەتىجىسىدە شەكىللەنگەن .
