شىنخۇا ئاگېنتلىقى، بېيجىڭ، 16 – سېنتەبىر تېلېگراممىسى. مۇخبىرنىڭ 16 – سېنتەبىر دۆلەتنىڭ تېررورلۇققا قارشى تۇرۇش تارماقلىرىدىن ئىگىلىشىچە، شىنجاڭنىڭ ج خ ئورگانلىرى يېقىندا بىر قېتىملىق تېررورلۇق پارتلىتىش ھۇجۇمىنىڭ مۇۋەپپەقىيەتلىك ئالدىنى ئېلىپ، نەق مەيداندىن بومبا ياسايدىغان نۇرغۇن خام ئەشيا، ئەسۋاب ۋە سايماننى قولغا چۈشۈرگەن.
تونۇشتۇرۇلۇشىچە، شىنجاڭنىڭ ج خ تارماقلىرى سىيىتھامۇت ئوبۇل، تاسىن مەھمۇد باشچىلىقىدىكى ئالتە جىنايەت گۇماندارىنى تۇتقان، نەق مەيداندىن بومبا ياسايدىغان نۇرغۇن خام ئەشيا، ئەسۋاب، سايماننى قولغا چۈشۈرگەن.
دەسلەپكى تەكشۈرۈشتىن مەلۇم بولۇشىچە، ئۈرۈمچىدە ‹‹5 – ئىيۇل›› ۋەقەسى يۈز بەرگەندىن كېيىن، بۇ شايكا ئاقسۇ شەھەر ئەتراپى رايونىدا بومبا ياسايدىغان ئۈچ ئورۇن قۇرۇپ، 20 نەچچە بومبا ياسىغان، تېررورلۇق، بۇزغۇنچىلىق ھەرىكىتى بىلەن شۇغۇللىنىشنى پىلانلىغان.
