كولومبىيەلىك داڭلىق مودىل مارىيە.فىرنەندنىڭ يۈزىگە 13-ئىيۇن كىسلاتا چېچىۋىتىلىپ، چىرايى پۈتۈنلەي بۇزۇلۇپ كەتتى.
يەرلىك ساقچىلارنىڭ خەۋەر قىلىشىچە، ۋەقە يۈز بەرگەن كۈنى مارىيە ئۆيىنىڭ ئالدىغا ئەمدىلا كەلگەن بولۇپ، بىر ناتۇنۇش ئەر كىشى ئۇنىڭغا قاراپ كىلىپ، تۇيۇقسىز كىسلاتانى چىقىرىپ ئۇنىڭ يۈزىگە چاچقان ۋە يول بويىدا ساقلاپ تۇرغان موتسىكىلىتقا ئولتۇرۇپ قېچىپ كەتكەن. مارىيە ئۆزىنى دالدىغا ئېلىشقىمۇ ئۈلگۈرەلمەي قالغان. قىزىنىڭ ئېچىنىشلىق ۋارقىرىغىنىنى ئاڭلىغان مارىيەنىڭ دادىسى دەرھال سىرتقا چىققان بولسىمۇ، بىراق قاتىلنى قوغلاپ يېتىشكە ئامالسىز قالغان.
قىزنىڭ ئۆيىدىكىلەر ئۇنى دوختۇرخانىغا دەرھال ئىلىپ بارغان بولۇپ، دوختۇرنىڭ ئېيتىشىچە، مارىيەنىڭ بىر كۆزى كىسلاتادا كۆيۈپ كەتكەن ئىكەن. ئۇنىڭدىن باشقا يەنە يۈز ۋە بويۇن قىسمىنىڭ كۆپ قىسمى يارلانغان بولۇپ، يۈزى پۈتۈنلەي دىگۈدەك بۇزۋىتىلگەن ئىكەن. دوختۇر يەنە ئۇنىڭ ئالاھىدە كۈتىلىشى كېرەكلىكىنى، تېخىمۇ مۇھىمى ئۇنىڭغا پىسخىكىلىق داۋالاش ئىلىپ بېرىش كېرەكلىكىنى ئېيتقان. ساقچى تەرەپ بۇ ۋەقەگە قاتتىق پوزىتسىيە تۇتۇپ، جىنايەتچىنىڭ خەۋرىنى بەرگۈچىلەرگە 5000 ئامېرىكا دوللىرى بېرىدىغانلىقىنى ئېلان قىلغان.
