2010-يىللىق CBA ھەل قىلغۇچ مۇسابىقىسىنىڭ 2-مەيدان مۇسابىقىسى تۈنۈگۈن كەچ گۇاڭدۇڭ دۇڭگۇەن تەنتەربىيە مەيدانىدا ئۆتكۈزۈلدى . ئالدىنقى ئىككى نۆۋەتلىك چېمپيون گۇاڭدۇڭ كوماندىسى ئۆز مەيدانىدا 85-80 نومۇر بىلەن شىنجاڭ گۇاڭخۇي كوماندىسىنى يېڭىپ ، ھەل قىلغۇچ مۇسابىقە (7 مەيدان 4 ئۇتۇق)نىڭ ئالدىنقى ئىككى مەيدانىدا تولۇق غەلىبە قىلدى .
مۇسابىقە ئاخىرىدا يەنە شىنجاڭ كوماندىسىدىكى چەتئەللىك ماھىر چارلېس بىلەن گۇاڭدۇڭ ماھىرى دۇفېڭ ئوتتۇرىسىدا سۈركىلىش يۈز بېرىپ ، ئىككى كوماندا ئەزالىرى توقۇنۇشۇپ قالغىلى تاسلا قالدى . ئاخىرىدا ئېغىر بىھۇش بولۇپ يارىلانغان دۇفېڭ دوختۇرخانىغا ئېلىپ بېرىلدى .
كېيىنكى ئىككى مەيدان ھەل قىلغۇچ مۇسابىقە مۇشۇ ھەپتىنىڭ چارشەنبە-جۈمە كۈنلىرى ئۈرۈمچى قىزىلتاغ تەنتەربىيە مەيدانىدا ئۆتكۈزۈلىدۇ .
